Hujumchi Erik Chupo-Moting kutilganidek mavsum oxirigacha "Bavariya"da qoladigan bo‘ldi.
Kamerunlik futbolchi Xarri Keyn jamoaga kelganidan keyin myunxenliklarning asosiy tarkibiga kirish imkoniyatini amalda yo‘qotdi. Matbuot 34 yoshli futbolchining yanvar oyida ketishi mumkinligi haqida xabar bergan edi, biroq u boshqa joyga ko‘chib o‘tishni rejalashtirmagani ma’lum bo‘ldi.
Jurnalist Florian Plettenbergning yangilangan ma’lumotlariga ko‘ra, "Manchester Yunayted" ham mish-mishlarga qaramay, hujumchini sotib olishga yaqin emas edi. Ko‘rinishidan, futbolchi yozda "Bavariya"ni erkin agent sifatida tark etadi.
Erik Chupo-Moting ushbu mavsumda 22 ta o‘yinda 3 ta gol urdi.