Xizmat ko‘rsatgan murabbiy Valeriy Nepomnyashiy O‘zbekiston milliy terma jamoasining Osiyo Kubogidagi istiqboliga baho berdi. Eslatib o‘tamiz, O‘zbekiston terma jamoasi Qatar bilan o‘ynaydigan qit’a chempionatining chorak finaliga chiqdi.
"Tarixga nazar tashlaydigan bo‘lsak, O‘zbekiston terma jamoasi Osiyo Kubogida yaxshi o‘yin ko‘rsatmoqda. Sovet davrida o‘zbeklar bu turnirda finalgacha yetib kelishgan. Bu yilgi bunday muvaffaqiyatli chiqish men uchun kutilmagan bo‘lmadi. O‘zbekiston yoshlar terma jamoasi ham yaxshi o‘yin ko‘rsatmoqda. Qatardan o‘tish qiyin bo‘ladi, lekin hamma narsa bo‘lishi mumkin.
O‘zbekiston futbolga jiddiy yondashadi. Vaziyat borgan sari yaxshilanmoqda: jamoalar avvalgidan ko‘ra boyib ketishdi. Yevropa jamoalari O‘zbekistondan kelgan futbolchilarga e’tibor beradimi yoki yo‘qligini oldindan aytish qiyin. Ular uchun hamma narsa mumkinligiga bitta misol bor - Shomurodov. Afsuski, u hozir o‘ynamayapti. Abbos esa SSKA uchun munosib o‘ynaydi", - dedi Nepomnyashiy "Chempionat" muxbiri Aleksandr Ershov bilan suhbatda.