“Al-Hilol” hujumchisi Neymar ijtimoiy tarmoqlarda o‘zining poker turnirida ishtirok etayotgan suratlarini joylashtirdi.
Og‘ir jarohati sabab hozirda safdan chiqqan Braziliya terma jamoasi futbolchisi telefoni, so‘ng qo‘lidagi kartochkalar bilan suratga tushdi.
Muxlislar bu postni qadrlamaganlari aniq.
“Al-Hilol”ga qachon qaytasan?,
“Bu yerda bizni masxara qilishayotganda u millionlab dollarlar uchun o‘ynaydi”,
“Futbolni yakunla”,
“Futbolga e’tibor qarat birodar", degan gaplarni aytdi muxlislar ijtimoiy tarmoqlarda.
Neymar avvalroq tizzasidan jarohat olgan va bir necha oylar davomida maydonga tusha olmagandi.
Joriy mavsumda braziliyalik futbolchi “Al-Hilol” safida atigi uchta o‘yin o‘tkazdi.
