Maruan Fellayni ijtimoiy tarmoqlardagi posti orqali professional futbolchilik faoliyatini yakunlaganini ma’lum qildi.
Markaziy yarim himoyachi sifatida o‘ynagan belgiyalik futbolchi faoliyatini yakunlashga qaror qildi. U kuzda 36 yoshga to‘ldi.
Fellayni faoliyatidagi so‘nggi klub Xitoyning "Shandun Lunen" klubi bo‘lgan. Maruan avval Yevropada “Standard”, “Everton” va “Manchester Yunayted” klublarida o‘ynagan.
Belgiyalik futbolchi “qizil iblislar” tarkibida Yevropa ligasida g‘olib chiqdi. Faoliyatining yakuni haqidagi postida Fellayni professional yo‘lida yo‘lini kesib o‘tgan barchaga minnatdorchilik bildirdi.
