Маруан Феллайни ижтимоий тармоқлардаги пости орқали профессионал футболчилик фаолиятини якунлаганини маълум қилди.
Марказий ярим ҳимоячи сифатида ўйнаган бельгиялик футболчи фаолиятини якунлашга қарор қилди. У кузда 36 ёшга тўлди.
Феллайни фаолиятидаги сўнгги клуб Хитойнинг "Шаньдун Лунэн" клуби бўлган. Маруан аввал Европада “Стандард”, “Эвертон” ва “Манчестер Юнайтед” клубларида ўйнаган.
Бельгиялик футболчи “қизил иблислар” таркибида Европа лигасида ғолиб чиқди. Фаолиятининг якуни ҳақидаги постида Феллайни профессионал йўлида йўлини кесиб ўтган барчага миннатдорчилик билдирди.
