"Shtutgart" hujumchisi Seru Girassiga hamon Angliya Premyer-ligasi vakillari qiziqish bildirmoqda.
Joriy Bundesliganing birinchi yarmida ajoyib o‘yin ko‘rsatgan 27 yoshli futbolchi Yevropaning yetakchi ligalari gigantlari qiziqishiga qaramay, yanvar oyida "Shtutgart"da qoldi. Forvardning transferi shu yozda amalga oshishi mumkin: Bild xabariga ko‘ra, gvineyalik futbolchiga "Manchester Yunayted" va "Nyukasl" qiziqish bildirishda davom etmoqda. Aynan "qizil iblislar" va "qarg‘alar" o‘rtasida futbolchi uchun kurash keyingi transfer oynasi ochilganda bo‘lishi kutilmoqda.
Seru Girassi joriy mavsumda 16 ta o‘yinda 19 ta gol urdi. Uning potensial transfer narxi 20 million yevroga baholanmoqda.