Taniqli mutaxassis Fabio Kapello "Milan"dagi qaysi etakchining ketishi jamoa uchun eng og‘ir bo‘ladi, degan savolga javob berdi.
Gap Rafael Leau, Teo Ernandes va Mayk Menyan kabi futbolchilar haqida ketmoqda - ularning barchasi boshqa jamoalarga yuborilishi haqida mish-mishlar tarqalmoqda.
"Milan"ning sobiq ustozi bu savolga javob berishga qiynaldi:
"Juda qiziq savol. Lekin qaror qilish menga bog‘liq emas. Javobim shuki, klubning hozirgi murabbiyi buni biladi.
Menimcha, siz yetakchi o‘yinchini yo‘qotishingiz evaziga bir vaqtning o‘zida ikkita pozisiyada qo‘shimcha kuchlarga ega bo‘lsangizgina bunga ko‘nikish mumkin", - deya Kapelloning so‘zlarini keltiradi pianetamilan.it.
