Angliya chempionatining 23-turi doirasida «Arsenal» o‘z maydonida «Liverpul»ni qabul qilib, ishonchli hisobda g‘alaba qozondi.

Bahsning 14-daqiqasida Bukayo Saka hisobni ochdi. Birinchi bo‘lim so‘ngida londonliklar futbolchisi Gabriel Magalyaes o‘z qo‘li bilan darvozasini ishg‘ol qilib qo‘ydi va hisob tenglashdi.

«Kanonirlar» 67-daqiqada yana oldinga o‘tib olishdi: Alissonning xatosidan so‘ng Gabriel Martinelli darvozani ishg‘ol qildi. O‘yinga qo‘shib berilgan daqiqalarda esa Leandro Trossard «Arsenal»ning uchinchi golini urdi.

Bundan tashqari, «Liverpul» himoyachisi Ibrahim Konate ikkinchi sariq kartochkani olib, maydonni tark etdi.

"Liverpul" 51 ochko bilan hamon APL jadvalida peshqadamlik qilayotgan bo‘lsa, "Arsenal" o‘z ochkolari 49 taga yetkazdi va 2-o‘rinni egallab turibdi. «Manchester Siti» 46 ochko bilan 3-o‘rinni egallagan. Gvardiola jamoasi londonliklarga nisbatan 2 ta kam o‘yin o‘tkazgan.

Angliya chempionati, 23-tur
Arsenal – Liverpul 3:1 (1:1, 2:0)
Gollar: 1:0 – 14 Saka, 1:1 – 45, avtogol Gabriel, 2:1 – 67 Martinelli, 3:1 – 90 Trossard.
Arsenal – Rayya, Uayt, Gabriel, Saliba, Zinchenko (Kiver, 46), Jorjinyo, Edegor, Rays, Xaverts, Martinelli (Trossard, 74), Saka (Nelson, 79).
Liverpul – Alisson, Aleksander-Arnold (Robertson, 58), van Deyk, Konate, Gomes (Tiago Alkantara, 85), Mak Allister, Djons, Gravenberx (Elliott, 58), Diogu Jota, Dias, Gakpo (Nunyes, 58).
Ogohlantirishlar: Gomes (25), Uayt (31), Konate (55), Gabriel (57), Kiver (69), Nunyes (90), Saliba (90), Rays (90), Xaverts (90).
Chetlatish: Konate (88).