Англия чемпионатининг 23-тури доирасида «Арсенал» ўз майдонида «Ливерпуль»ни қабул қилиб, ишончли ҳисобда ғалаба қозонди.

Баҳснинг 14-дақиқасида Букайо Сака ҳисобни очди. Биринчи бўлим сўнгида лондонликлар футболчиси Габриэл Магальяэс ўз қўли билан дарвозасини ишғол қилиб қўйди ва ҳисоб тенглашди.

«Канонирлар» 67-дақиқада яна олдинга ўтиб олишди: Алиссоннинг хатосидан сўнг Габриэл Мартинелли дарвозани ишғол қилди. Ўйинга қўшиб берилган дақиқаларда эса Леандро Троссард «Арсенал»нинг учинчи голини урди.

Бундан ташқари, «Ливерпуль» ҳимоячиси Ибраҳим Конате иккинчи сариқ карточкани олиб, майдонни тарк этди.

"Ливерпуль" 51 очко билан ҳамон АПЛ жадвалида пешқадамлик қилаётган бўлса, "Арсенал" ўз очколари 49 тага етказди ва 2-ўринни эгаллаб турибди. «Манчестер Сити» 46 очко билан 3-ўринни эгаллаган. Гвардиола жамоаси лондонликларга нисбатан 2 та кам ўйин ўтказган.

Англия чемпионати, 23-тур
Арсенал – Ливерпуль 3:1 (1:1, 2:0)
Голлар: 1:0 – 14 Сака, 1:1 – 45, автогол Габриэл, 2:1 – 67 Мартинелли, 3:1 – 90 Троссард.
Арсенал – Райя, Уайт, Габриэл, Салиба, Зинченко (Кивер, 46), Жоржиньо, Эдегор, Райс, Хавертц, Мартинелли (Троссард, 74), Сака (Нелсон, 79).
Ливерпуль – Алиссон, Александер-Арнолд (Робертсон, 58), ван Дейк, Конате, Гомес (Тиаго Алькантара, 85), Мак Аллистер, Джонс, Гравенберх (Эллиотт, 58), Диогу Жота, Диас, Гакпо (Нуньес, 58).
Огоҳлантиришлар: Гомес (25), Уайт (31), Конате (55), Габриэл (57), Кивер (69), Нуньес (90), Салиба (90), Райс (90), Хавертц (90).
Четлатиш: Конате (88).