Madridning “Atletiko” klubi hujumchisi Anxel Korrea faoliyatini boshqa Yevropa chempionatida davom ettirishi mumkin. Bu haqda Todofichajes sahifalarida xabar berilgan.
Manbaning xabar berishicha, 28 yoshli argentinalik futbolchining transferiga Angliya Premyer-ligasi va Italiya A seriyasi vakillari qiziqish bildirishmoqda. Kelishuv yozgi transfer oynasida yakunlanishi mumkin.
Korrea 2015 yilning yanvaridan buyon "matraschilar"da o‘ynab kelmoqda. Tomonlar o‘rtasidagi amaldagi mehnat shartnomasi 2026 yilning iyun oyi oxirida tugaydi.