Angliyada Premyer-liganing yigirma uchinchi turi yakunlandi, “Bornmut” o‘z maydonida “Nottingem Forest” bilan o‘ynadi va raqibini mag‘lub eta olmadi.

“Giloslar” ustozi Andoni Iraolaning fikricha, nisbatan omadsiz natijaga uning jamoasi bor-yo‘g‘i ikki kun to‘liq dam olgani sabab bo‘lgan - ular avvalgi o‘yinni payshanba oqshomida o‘tkazishgandi.

"Raqib bizdan ko‘ra ko‘proq dam olganiga qaramay, biz juda yaxshi boshladik. Oxir-oqibat, charchoq sezilib qoldi.

Qoidabuzarliklar ham ko‘p bo‘ldi. Bu bizga qattiqroq ta’sir qildi. Bu o‘yinda maydonda deyarli bo‘sh joy qolmadi, dedi Andoni Iraola.