Bugungi kunda futbolimizda yuqori mahoratli darvozabonlar yetishmasligi kuzatilmoqda. Muhim uchrashuvlarda bir qancha darvozabonlarimiz xatoga yo‘l qo‘yishi holatlari uchrab turibdi. Shu sababli yurtimiz va xalqaro maydonda yuqori natijalar qayd etgan futbolimiz afsonalarining yosh avlod bilan o‘z tajribalarini o‘rtoqlashishi muhim.
Futbolimiz tarixidagi eng yaxshi darvozabonlardan biri Ignatiy Nesterov O‘zbekiston futbol assosiasiyasi bilan hamkorlikda darvozabonlar uchun mahorat maktabi tashkil etdi.
Mashg‘ulotlarda 8 yoshdan boshlab yosh tarbiyalanuvchilar ishtirok etmoqda. Tajribali posbonlar tomonidan bolalarga darvozabonlar uchun zarur bo‘lgan ko‘nikmalar berilmoqda. To‘p bilan ishlash, to‘g‘ri pozisiya tanlash, reaksiya va birga bir vaziyatlarda harakatlanish bo‘yicha muntazam tavsiyalar berib boriladi.
