"Chelsi" rahbariyati, so‘nggi xabarlarga qaramay, Maurisio Pochettinoni bosh murabbiy lavozimidan bo‘shatish niyatida emas.

The Telegraph nashri xabariga ko‘ra, "ko‘klar" jamoaning ayni damda qanday natijalar ko‘rsatayotganiga qaramasdan, mavsum davomida murabbiyini yana almashtirishni istamayapti.

Biroq bu Pochettinoning ishi xavfsiz degani emas. Nashrning yozishicha, 51 yoshli argentinalik mutaxassisning taqdiri mavsum yakunida hal bo‘ladi. O‘z ishini saqlab qolish uchun u 2023/24 yilgi mavsum yakuniga qadar ham o‘z faoliyatini, ham jamoa natijalarini yaxshilashi kerak.