"Kristal Pelas" vingeri Maykl Olise jarohati tufayli kamida ikki oy maydonga tusha olmaydi.

Oldingi son jarohatidan zo‘rg‘a forig‘ bo‘lgan Olise maydonga g‘alaba bilan qaytdi. Maykl o‘tgan seshanba kuni jamoasining Premyer-ligada "Sheffild Yunayted"ga qarshi o‘yinda (3:2) bitta gol urdi va ikkita golli uzatmani amalga oshirdi, mish-mishlarga ko‘ra, murabbiy Roy Xojsonni ishdan bo‘shatishdan qutqardi.

O‘tgan shanba kuni "Brayton"ga qarshi o‘yinda Olise tanaffus paytda zaxiradan maydonga tushdi, ammo u maydonda 11 daqiqa o‘ynadi va "burgutlar"ni 4:1 hisobidagi mag‘lubiyatdan qutqara olmadi.

Dastlab shifokorlar Olise olti-sakkiz hafta o‘tkazib yuborishiga umid qilishgan, ammo qo‘shimcha tibbiy tekshiruvlar Maykl kasalxonada biroz ko‘proq vaqt o‘tkazishini ko‘rsatdi.

Daily Mail nashrining xabariga ko‘ra, Olisening kamida ikki oyga safdan chiqishi va aprelgacha jamoasi safiga qaytmasligi kutilmoqda. Bu Xojson jamoasi uchun katta yo‘qotish bo‘ladi.

Qo‘shimcha qilamizki, Olise sog‘lig‘i bilan bog‘liq muammolar tufayli joriy mavsumda "Pelas" tarkibida atigi 11 ta o‘yinda maydonga tushdi. Shu bilan birga, 22 yoshli fransiyalik futbolchi 6 ta gol urdi va 3 ta golli uzatmani amalga oshirdi.