"Al-Ittihod" jamoasida to‘p tepayotgan Karim Benzema Saudiya Arabistoni jamoasi bilan mashg‘ulotlarni qayta boshladi. Tajribali hujumchi diskvalifikasiya tufayli bir oyga yaqin jamoadoshlari bilan mashg‘ulot o‘tkazmadi.
Jamoa bosh murabbiyi Marselo Galyardo fransiyalik futbolchining klub bazasiga yetib kelmaganidan norozi bo‘ldi, u yerdan butun delegasiya yig‘inga jo‘nab ketdi. Ushbu mojarodan so‘ng Karimning boshqa klubga o‘tishi mumkinligi haqida mish-mishlar tarqalgandi.
Joriy mavsumda 36 yoshli hujumchi “Al-Ittihod” safida 20 ta uchrashuvda ishtirok etib, 12 ta gol va 5 ta golli uzatmaga mualliflik qilgan.
Eslatib o‘tamiz, saudiyaliklar OCHL 1/8 finali doirasida 15 fevral kuni Namanganda "Navbahor" mehmoni bo‘ladi.
