"Ал-Иттиҳод" жамоасида тўп тепаётган Карим Бензема Саудия Арабистони жамоаси билан машғулотларни қайта бошлади. Тажрибали ҳужумчи дисквалификация туфайли бир ойга яқин жамоадошлари билан машғулот ўтказмади.
Жамоа бош мураббийи Марсело Гальярдо франциялик футболчининг клуб базасига етиб келмаганидан норози бўлди, у ердан бутун делегация йиғинга жўнаб кетди. Ушбу можародан сўнг Каримнинг бошқа клубга ўтиши мумкинлиги ҳақида миш-мишлар тарқалганди.
Жорий мавсумда 36 ёшли ҳужумчи “Ал-Иттиҳод” сафида 20 та учрашувда иштирок этиб, 12 та гол ва 5 та голли узатмага муаллифлик қилган.
Эслатиб ўтамиз, саудияликлар ОЧЛ 1/8 финали доирасида 15 февраль куни Наманганда "Навбаҳор" меҳмони бўлади.
