Londonning "Chelsi" klubi oxirgi paytlarda kiyinish xonasida muammolarga duch kelmoqda. Jurnalist Mett Xyuz bergan ma’lumotlarga ko‘ra, jamoada atmosferani buzadigan xudbin o‘yinchilar yo‘q, ammo kiyim almashtirish xonasida muammolar hamon bor.
Manbaning qo‘shimcha qilishicha, "Chelsi"da faqat bitta yetakchi bor - 39 yoshli markaziy himoyachi Tyago Silva, ehtimol u mavsum oxirida jamoani tark etishi mumkin. Qolaversa, braziliyalikning rafiqasi yaqinda ochiqchasiga rahbariyatni Maurisio Pochettinoni bosh murabbiylikdan bo‘shatishga chaqirdi.
Eslatib o‘tamiz, “Chelsi” ayni damda Angliya premyer-ligasida o‘n birinchi o‘rinda bormoqda.
