Лондоннинг "Челси" клуби охирги пайтларда кийиниш хонасида муаммоларга дуч келмоқда. Журналист Метт Хюз берган маълумотларга кўра, жамоада атмосферани бузадиган худбин ўйинчилар йўқ, аммо кийим алмаштириш хонасида муаммолар ҳамон бор.

Манбанинг қўшимча қилишича, "Челси"да фақат битта етакчи бор - 39 ёшли марказий ҳимоячи Тьяго Силва, эҳтимол у мавсум охирида жамоани тарк этиши мумкин. Қолаверса, бразилияликнинг рафиқаси яқинда очиқчасига раҳбариятни Маурисио Почеттинони бош мураббийликдан бўшатишга чақирди.

Эслатиб ўтамиз, “Челси” айни дамда Англия премьер-лигасида ўн биринчи ўринда бормоқда.