Londonning "Arsenal" klubi hali yozda shartnomasi tugaydigan yarim himoyachi Jorjinyo bilan nima qilish borasida bir qarorga kelmagan.

Jurnalist Saymon Kollingsning xabar berishicha, "kanonirlar"da italiyalik yarim himoyachi bilan shartnomani avtomatik ravishda uzaytirish imkoniyati bor.

Biroq, rahbariyat uni faollashtirishga shoshilmayapti. Eslatib o‘tamiz, 32 yoshli Jorjinyo ushbu Angliya premyer-ligasida atigi 489 daqiqa o‘ynadi va bitta golli uzatmani amalga oshira oldi.

Italiyalik futbolchini "Arsenal"da barqaror boshlang‘ich tarkib futbolchisi deb atash mumkin emas. Jorjinyo 2023 yilning yanvarida Londonning boshqa bir klubi "Chelsi"dan "kanonirlar"ga o‘tgan edi. So‘nggi paytlarda yarim himoyachi xizmatlariga Italiya jamoalari qiziqish bildirishgan.