Лондоннинг "Aрсенал" клуби ҳали ёзда шартномаси тугайдиган ярим ҳимоячи Жоржиньо билан нима қилиш борасида бир қарорга келмаган.
Журналист Саймон Коллингснинг хабар беришича, "канонирлар"да италиялик ярим ҳимоячи билан шартномани автоматик равишда узайтириш имконияти бор.
Бироқ, раҳбарият уни фаоллаштиришга шошилмаяпти. Эслатиб ўтамиз, 32 ёшли Жоржиньо ушбу Aнглия премьер-лигасида атиги 489 дақиқа ўйнади ва битта голли узатмани амалга ошира олди.
Италиялик футболчини "Aрсенал"да барқарор бошланғич таркиб футболчиси деб аташ мумкин эмас. Жоржиньо 2023 йилнинг январида Лондоннинг бошқа бир клуби "Челси"дан "канонирлар"га ўтган эди. Сўнгги пайтларда ярим ҳимоячи хизматларига Италия жамоалари қизиқиш билдиришган.