Yozda 35 yoshdan oshgan futbolchilar o‘rtasida jahon chempionati o‘tkazilishi rejalashtirilgan.
Daily Mail nashri xabariga ko‘ra, EPG Cup deb nomlangan turnir tashkilotchilari Elite Players Group hisoblanadi.
Faqat 35 yoshdan oshgan, terma jamoa safida o‘ynagan yoki klublar miqyosida oliy ligada kamida 100ta o‘yin o‘tkazgan futbolchilarga ruxsat berilishi taklif qilinmoqda.
Unda Angliya, Argentina, Braziliya, Fransiya, Germaniya, Italiya, Ispaniya va Urugvay terma jamoalari ishtirok etishi kutilmoqda. Iyun oyi boshida bir hafta davomida bitta Angliya stadionida 70 daqiqadan iborat yettita o‘yin o‘tkazilishi rejalashtirilgan.
EPG asoschilari o‘z mamlakatlari sardori bo‘ladi: Stiv MakManaman (Angliya), Esteban Kambyasso (Argentina), Emerson (Braziliya), Kristian Karambe (Fransiya), Kevin Kurani (Germaniya), Marko Materassi (Italiya), Michel Salgado (Ispaniya) va Diyego Lugano (Urugvay).
Vaqtinchalik tarkibga Maykl Oeyen, Kaka, Ronaldinyo, Rivaldo, Fabio Kannavaro, Eshli Koul, Jo Koul, David Jeyms, Frank Lempard, Robbi Fauler, Kafu, Roberto Karlos, Tyerri Anri, Marsel Desayli, Ernan Krespo, Pablo Sabaleta, Mezil O‘zil, Sami Xedira, David Vilya, Karles Puyol, Franchesko Totti, Diyego Forlan kiradi.
