Ёзда 35 ёшдан ошган футболчилар ўртасида жаҳон чемпионати ўтказилиши режалаштирилган.

Daily Mail нашри хабарига кўра, EPG Cup деб номланган турнир ташкилотчилари Elite Players Group ҳисобланади.

Фақат 35 ёшдан ошган, терма жамоа сафида ўйнаган ёки клублар миқёсида олий лигада камида 100та ўйин ўтказган футболчиларга рухсат берилиши таклиф қилинмоқда.

Унда Англия, Аргентина, Бразилия, Франция, Германия, Италия, Испания ва Уругвай терма жамоалари иштирок этиши кутилмоқда. Июнь ойи бошида бир ҳафта давомида битта Англия стадионида 70 дақиқадан иборат еттита ўйин ўтказилиши режалаштирилган.

EPG асосчилари ўз мамлакатлари сардори бўлади: Стив МакМанаман (Англия), Эстебан Камбьяссо (Аргентина), Эмерсон (Бразилия), Кристиан Карамбе (Франция), Кевин Кураньи (Германия), Марко Матерацци (Италия), Мичель Сальгадо (Испания) ва Диего Лугано (Уругвай).

Вақтинчалик таркибга Майкл Оэен, Кака, Роналдиньо, Ривалдо, Фабио Каннаваро, Эшли Коул, Жо Коул, Давид Жеймс, Франк Лэмпард, Робби Фаулер, Кафу, Роберто Карлос, Тьерри Анри, Марсель Десайли, Эрнан Креспо, Пабло Сабалета, Мезил Ўзил, Сами Хедира, Давид Вилья, Карлес Пуйоль, Франческо Тотти, Диего Форлан киради.