"Bavariya" darvozaboni Manuel Noyer o‘zaro o‘yin oldidan "Bayer"ning muvaffaqiyati haqida gapirdi.
10 fevral kuni myunxenliklar Bundesliganing 21-turi doirasida "dorichilar"ga qarshi safarda maydonga tushishadi. Leverkuzenliklar ayni damda amaldagi chempiondan ikki ochko oldinda.
"Xabi Alonso qo‘l ostidagi "Bayer" xuddi Alonsoning futbolchilik davrida qanday o‘ynagan bo‘lsa, xuddi shunday o‘ynaydi. U sifatli pas berish g‘oyasiga ega, u to‘p bilan bo‘lishni yaxshi ko‘radi va u bu g‘oyalarni o‘z jamoasiga singdiradi. Futbolchi sifatida u bunday futboldan zavqlanardi va hozir uning jamoasi ham xuddi shunday xarakterga ega – "Bayer" to‘pni nazorat qilishni istaydi, raqib ortidan yugurmaydi. Alonso qiyin pallada jamoani qabul qilib oldi, lekin darhol vaziyatni yaxshilashga qodir ekanligini ko‘rsatdi", - deya Noyerning so‘zlaridan iqtibos keltiradi Bayern & Germany.
