"Бавария" дарвозабони Мануэль Нойер ўзаро ўйин олдидан "Байер"нинг муваффақияти ҳақида гапирди.
10 февраль куни мюнхенликлар Бундеслиганинг 21-тури доирасида "доричилар"га қарши сафарда майдонга тушишади. Леверкузенликлар айни дамда амалдаги чемпиондан икки очко олдинда.
"Хаби Алонсо қўл остидаги "Байер" худди Алонсонинг футболчилик даврида қандай ўйнаган бўлса, худди шундай ўйнайди. У сифатли пас бериш ғоясига эга, у тўп билан бўлишни яхши кўради ва у бу ғояларни ўз жамоасига сингдиради. Футболчи сифатида у бундай футболдан завқланарди ва ҳозир унинг жамоаси ҳам худди шундай характерга эга – "Байер" тўпни назорат қилишни истайди, рақиб ортидан югурмайди. Алонсо қийин паллада жамоани қабул қилиб олди, лекин дарҳол вазиятни яхшилашга қодир эканлигини кўрсатди", - дея Нойернинг сўзларидан иқтибос келтиради Bayern & Germany.
