Osiyo kubogining ikkinchi finalchisi nomi aniq bo‘ldi. Eron va Qatar terma jamoalari o‘rtasida kechgan o‘ta qiziqarli o‘yinda mezbonlar g‘alaba qozonib, finalga yo‘l olishdi.

Uchrashuvdagi hisobni 4-daqiqada Sardor Azmun ochdi. Shundan so‘ng maydon egalari o‘z o‘yinlarini kuchaytirgan holda dastlab 17-daqiqada hisobni tenglashtirishgan bo‘lsa, bo‘lim tugashiga 2 daqiqa qolganida Akrom Afif jomoasini oldinga olib chiqdi.

Ikkinchi bo‘lim boshida referi VAR yordamida Qatar darvozasiga penalti belgiladi. Unda esa Alirizo Jahonbaxsh unumli foydalanib, yana muvozanatni tikladi.

Bahsning 82-daqiqasida esa Akrom Afifning uzatmasidan keyin Almoyez Ali yaqin masofadan darvozani ishg‘ol qildi.

Ikkinchi bo‘limga 13 daqiqa qo‘shib berildi. Uning uchinchisi o‘tayotganida eronlik Shojoiy maydondan chetlatildi. Eron bir kishi kam bo‘lib o‘ynaganiga qaramay, katta kuch bilan oldinga tashlandi. 90+14-daqiqada Kanonizodaning zarbasidan so‘ng to‘p ustunga tegib qaytgan bo‘lsa, oradan bir daqiqa o‘tib Qatar posboni Barsham superseyv namoyish etib, jamoasining g‘alabasini saqlab qoldi.

Shu tariqa, Qatar kketma-ket ikkinchi marta Osiyo kubogi finaliga chiqqan bo‘lsa, Erno bronza medali bilan cheklandi.

Osiyo kubogi, yarim final
Eron – Qatar 2:3 (1:2)
Gollar: 1:0 – 4 Azmun, 1:1 – 17 Jobir, 1:2 – 43 Afif, 2:2 – 51, penalti Jahonbaxsh, 2:3 – 82 Almoyez Ali.
Eron – Beyranvand, Rizoyan (Moganlu, 87), Xalilzoda, Kanonizoda, Hojisafiy (Muhammadiy, 46), Ibrohimiy (Muhibiy, 46), Izzatullohiy, Jahonbaxsh, G‘oddos, Tarimiy (Asadiy, 90), Azmun.
Qatar – Barsham, Ro-Ro (Salmon, 64), Lukas Mendes, Ali (Xuxiy, 68), Ahmad (Muhammad, 46), Abdulvahob, Jobiy (Xatem, 81), Fathiy, Abdurizoq (Al-Haydos, 63), Afif, Almoyez Ali.
Ogohlantirishlar: Torabiy (18), Hojisafiy (21), Ali (40), Fataxi (50).
Chetlatish: Shojaiy Xalilzoda (90+3).