Осиё кубогининг иккинчи финалчиси номи аниқ бўлди. Эрон ва Қатар терма жамоалари ўртасида кечган ўта қизиқарли ўйинда мезбонлар ғалаба қозониб, финалга йўл олишди.

Учрашувдаги ҳисобни 4-дақиқада Сардор Азмун очди. Шундан сўнг майдон эгалари ўз ўйинларини кучайтирган ҳолда дастлаб 17-дақиқада ҳисобни тенглаштиришган бўлса, бўлим тугашига 2 дақиқа қолганида Акром Афиф жомоасини олдинга олиб чиқди.

Иккинчи бўлим бошида рефери ВАР ёрдамида Қатар дарвозасига пенальти белгилади. Унда эса Алиризо Жаҳонбахш унумли фойдаланиб, яна мувозанатни тиклади.

Баҳснинг 82-дақиқасида эса Акром Афифнинг узатмасидан кейин Алмоез Али яқин масофадан дарвозани ишғол қилди.

Иккинчи бўлимга 13 дақиқа қўшиб берилди. Унинг учинчиси ўтаётганида эронлик Шожоий майдондан четлатилди. Эрон бир киши кам бўлиб ўйнаганига қарамай, катта куч билан олдинга ташланди. 90+14-дақиқада Канонизоданинг зарбасидан сўнг тўп устунга тегиб қайтган бўлса, орадан бир дақиқа ўтиб Қатар посбони Баршам суперсэйв намойиш этиб, жамоасининг ғалабасини сақлаб қолди.

Шу тариқа, Қатар ккетма-кет иккинчи марта Осиё кубоги финалига чиққан бўлса, Эрно бронза медали билан чекланди.

Осиё кубоги, ярим финал
Эрон – Қатар 2:3 (1:2)
Голлар: 1:0 – 4 Азмун, 1:1 – 17 Жобир, 1:2 – 43 Афиф, 2:2 – 51, пенальти Жаҳонбахш, 2:3 – 82 Алмоез Али.
Эрон – Бейранванд, Ризоян (Моганлу, 87), Халилзода, Канонизода, Ҳожисафий (Муҳаммадий, 46), Иброҳимий (Муҳибий, 46), Иззатуллоҳий, Жаҳонбахш, Ғоддос, Таримий (Асадий, 90), Азмун.
Қатар – Баршам, Ро-Ро (Салмон, 64), Лукас Мендес, Али (Хухий, 68), Аҳмад (Муҳаммад, 46), Абдулваҳоб, Жобий (Хатем, 81), Фатҳий, Абдуризоқ (Ал-Ҳайдос, 63), Афиф, Алмоез Али.
Огоҳлантиришлар: Торабий (18), Ҳожисафий (21), Али (40), Фатахи (50).
Четлатиш: Шожаий Халилзода (90+3).