"Inter Mayami" hujumchisi Lionel Messi nega Gonkong chempionati yulduzlari jamoasi bilan o‘rtoqlik o‘yinida maydonga tushmagani haqida o‘z postini chop etdi. Matn xitoy va ispan tillarida yozilgan.

Uchrashuv 4 fevral kuni bo‘lib o‘tdi va 4:1 hisobida MLS jamoasi foydasiga hal bo‘ldi. Bu o‘yinda argentinalik futbolchining maydonga tushmaganidan muxlislar, qolaversa, Gonkong rasmiylari ham norozi bo‘lishdi.

“Xitoy va Gonkongdagi barcha muxlislar va do‘stlarga salom. Yuqorida aytganimdek, Gonkongdagi o‘rtoqlik o‘yin oldidan jag‘imdan jarohat olib, maydonga tusha olmaganimdan afsusdaman. Jarohatim menga og‘riq keltirdi. Meni tanigan do‘stlarim har bir o‘yinda bor kuchimni berishni xohlashimni tushunishadi. Umid qilamanki, hali yana Gonkongga tashrif buyurish va o‘z o‘yinim bilan muxlislarni xursand qilish imkoniyatiga ega bo‘laman. “Men ham tez orada Xitoyga qaytishni va siz bilan futbol quvonchini baham ko‘rishni intiqlik bilan kutaman”, deb yozdi Messi Xitoyning mashhur Weibo ijtimoiy tarmog‘ida.

Messi 2023 yildan beri Mayamining “Inter” klubida to‘p tepadi. U jamoa safida jami 14 ta o‘yin o‘tkazib, 11 ta gol va 5 ta golli uzatmani amalga oshirgan.