"Интер Майами" ҳужумчиси Лионель Месси нега Гонконг чемпионати юлдузлари жамоаси билан ўртоқлик ўйинида майдонга тушмагани ҳақида ўз постини чоп этди. Матн хитой ва испан тилларида ёзилган.
Учрашув 4 февраль куни бўлиб ўтди ва 4:1 ҳисобида МЛС жамоаси фойдасига ҳал бўлди. Бу ўйинда аргентиналик футболчининг майдонга тушмаганидан мухлислар, қолаверса, Гонконг расмийлари ҳам норози бўлишди.
“Хитой ва Гонконгдаги барча мухлислар ва дўстларга салом. Юқорида айтганимдек, Гонконгдаги ўртоқлик ўйин олдидан жағимдан жароҳат олиб, майдонга туша олмаганимдан афсусдаман. Жароҳатим менга оғриқ келтирди. Мени таниган дўстларим ҳар бир ўйинда бор кучимни беришни хоҳлашимни тушунишади. Умид қиламанки, ҳали яна Гонконгга ташриф буюриш ва ўз ўйиним билан мухлисларни хурсанд қилиш имкониятига эга бўламан. “Мен ҳам тез орада Хитойга қайтишни ва сиз билан футбол қувончини баҳам кўришни интиқлик билан кутаман”, деб ёзди Месси Хитойнинг машҳур Weibo ижтимоий тармоғида.
Месси 2023 йилдан бери Майамининг “Интер” клубида тўп тепади. У жамоа сафида жами 14 та ўйин ўтказиб, 11 та гол ва 5 та голли узатмани амалга оширган.