"Spartak" klubi va O‘zbekiston milliy terma jamoasining sobiq hujumchisi Jafar Irismetov yarim himoyachi Abbos Fayzullayevning Osiyo Kubogidagi o‘yiniga baho berdi.
“Uchta o‘yin bizning darajamizda bo‘ldi. Rostini aytsam, men undan biroz ko‘proq narsani kutgandim. Lekin, ehtimol, haddan tashqari bosim bor. Shu sababli u sarosimaga tushdi. Menimcha, murabbiylar shtabi unga juda kam erkinlik bergan. Uni ma’lum bir pozisiyaga bog‘lashning hojati yo‘q.
Menimcha, u o‘zini yorqinroq ko‘rsatishi mumkin edi. Ammo umuman olganda, bu birinchi turnir uchun munosib natija. Jamoada eng yaxshilari Hamrobekov va Turg‘unboev edi. Birinchisi ayniqsa e’tiborga olinmadi, lekin juda ko‘p qora ishlarni qildi. Ular yaqin orada kuchli klublarga o‘tsa kerak", - deya Irismetovning so‘zlarini keltiradi RB Sport.
O‘zbekiston terma jamoasi Osiyo Kubogining 1/4 finalida musobaqa mezboni Qatar terma jamoasidan (1:1, penaltilar – 2:3) mag‘lubiyatga uchragan edi.
