"Спартак" клуби ва Ўзбекистон миллий терма жамоасининг собиқ ҳужумчиси Жафар Ирисметов ярим ҳимоячи Аббос Файзуллаевнинг Осиё Кубогидаги ўйинига баҳо берди.

“Учта ўйин бизнинг даражамизда бўлди. Ростини айтсам, мен ундан бироз кўпроқ нарсани кутгандим. Лекин, эҳтимол, ҳаддан ташқари босим бор. Шу сабабли у саросимага тушди. Менимча, мураббийлар штаби унга жуда кам эркинлик берган. Уни маълум бир позицияга боғлашнинг ҳожати йўқ.

Менимча, у ўзини ёрқинроқ кўрсатиши мумкин эди. Аммо умуман олганда, бу биринчи турнир учун муносиб натижа. Жамоада энг яхшилари Ҳамробеков ва Турғунбоэв эди. Биринчиси айниқса эътиборга олинмади, лекин жуда кўп қора ишларни қилди. Улар яқин орада кучли клубларга ўтса керак", - дея Ирисметовнинг сўзларини келтиради RB Sport.

Ўзбекистон терма жамоаси Осиё Кубогининг 1/4 финалида мусобақа мезбони Қатар терма жамоасидан (1:1, пеналтилар – 2:3) мағлубиятга учраган эди.