Milanning “Inter” klubi hujumchisi Lautaro Martines hali klub rahbariyati bilan yangi mehnat shartnomasi bo‘yicha kelishmagan.

Manbaning xabar berishicha, argentinalik hujumchi yangi shartnomaga ko‘ra yiliga o‘n million yevro ishlab olmoqchi, klub esa unga sakkiz million taklif qilmoqda. Tomonlar o‘rtasidagi muzokara jarayoni yaqin haftalarda davom ettiriladi.

Lautaro "Inter"ning hujum chizig‘ida yetakchi hisoblanadi. Joriy mavsumda argentinalik futbolchi 28 ta o‘yinda maydonga tushib, 21 ta gol va 5 ta golli uzatmaga mualliflik qilgan.