"Bavariya"ning sobiq yarim himoyachisi Bastian Shvaynshtaygerning fikricha, "Bayer" bosh murabbiyi Xabi Alonso yozda "Liverpul"ni boshqarishni xohlaydi.
Eslatib o‘tamiz, ispaniyalik mutaxassis avvalroq futbolchi sifatida "qizillar" safida to‘p tepgan.
“Men Xabini bilaman. Menimcha, “Liverpul”ni boshqarish uning orzusi. Albatta, yozda Alonso bu jamoaga murabbiy bo‘lsa, hayron qolmayman, lekin uning Bundesligada qolishini istardim. Xabi bizning chempionatimiz uchun haqiqiy topilmaga aylandi. Agar "Bayer" bo‘lmaganida, "Bavariya" hozir barcha raqiblarini ortda qoldirib, Bundesligani ishonchli tarzda peshqadam bo‘lardi. Biroq, leverkuzenliklar juda yaxshi, shuning uchun bizda chempionlik uchun kurash bor", — deya Shvaynshtayger so‘zlarini keltirmoqda ARD.
