"Бавария"нинг собиқ ярим ҳимоячиси Бастиан Швайнштайгернинг фикрича, "Байер" бош мураббийи Хаби Алонсо ёзда "Ливерпуль"ни бошқаришни хоҳлайди.
Эслатиб ўтамиз, испаниялик мутахассис аввалроқ футболчи сифатида "қизиллар" сафида тўп тепган.
“Мен Хабини биламан. Менимча, “Ливерпуль”ни бошқариш унинг орзуси. Албатта, ёзда Алонсо бу жамоага мураббий бўлса, ҳайрон қолмайман, лекин унинг Бундеслигада қолишини истардим. Хаби бизнинг чемпионатимиз учун ҳақиқий топилмага айланди. Агар "Байер" бўлмаганида, "Бавария" ҳозир барча рақибларини ортда қолдириб, Бундеслигани ишончли тарзда пешқадам бўларди. Бироқ, леверкузенликлар жуда яхши, шунинг учун бизда чемпионлик учун кураш бор", — дея Швайнштайгер сўзларини келтирмоқда ARD.
