Huquqlari Londonning “Arsenal” klubiga tegishli bo‘lgan polshalik himoyachi Yakub Kivior klubini o‘zgartirishi mumkin.

Bu haqda Evening Standard nashri xabar bermoqda. Manbaga ko‘ra, "kanonirlar" rahbariyati yozgi transfer oynasida xorijlik futbolchi bilan xayrlashishga qaror qilgan.

Polshalik uchun da’vogarlar orasida "Milan" ham bor. Eslatib o‘tamiz, Kivior "Arsenal" safiga 2023 yilning yanvar oyida kelib qo‘shilgan edi.

Transfer summasi 25 million yevroni tashkil qildi. Angliya premyer-ligasining joriy mavsumida 23 yoshli himoyachi londonliklar safida 11 ta o‘yin o‘tkazdi. Kiviorda bitta golli uzatma va bitta sariq kartochka bor.