Ҳуқуқлари Лондоннинг “Aрсенал” клубига тегишли бўлган польшалик ҳимоячи Якуб Кивиор клубини ўзгартириши мумкин.
Бу ҳақда Evening Standard нашри хабар бермоқда. Манбага кўра, "канонирлар" раҳбарияти ёзги трансфер ойнасида хорижлик футболчи билан хайрлашишга қарор қилган.
Польшалик учун даъвогарлар орасида "Милан" ҳам бор. Эслатиб ўтамиз, Кивиор "Aрсенал" сафига 2023 йилнинг январь ойида келиб қўшилган эди.
Трансфер суммаси 25 миллион еврони ташкил қилди. Aнглия премьер-лигасининг жорий мавсумида 23 ёшли ҳимоячи лондонликлар сафида 11 та ўйин ўтказди. Кивиорда битта голли узатма ва битта сариқ карточка бор.
