Londonning “Arsenal” va “Chelsi” klublari ikki hujumchining transferi uchun asosiy da’vogarlar qatorida. Gap “Napoli”dan Viktor Osimxen va “Brentford”dan Ayvan Toni haqida ketmoqda.
Jurnalist Fabrisio Romanoning so‘zlariga ko‘ra, ikkala klub ham Osimxen uchun 130 million yevrolik tovon pulini oshirib yuborilgan narx deb hisoblamoqda. Tonini transfer bozorida kamroq pul evaziga sotib olish mumkin bo‘ladi, ammo "Chelsi" ham, "Arsenal" ham qaysi variant ustuvor bo‘lishiga hali qaror qilgani yo‘q.
Osimxen joriy mavsum A Seriyada 14 uchrashuvda 7 ta gol urdi va 2 ta golli uzatmani amalga oshirdi. Toni yaqinda uzoq muddatli diskvalifikasiyadan so‘ng safga qaytdi va uchta o‘yinda ikkita gol urishga muvaffaq bo‘ldi.
