Лондоннинг “Арсенал” ва “Челси” клублари икки ҳужумчининг трансфери учун асосий даъвогарлар қаторида. Гап “Наполи”дан Виктор Осимхен ва “Брентфорд”дан Айван Тони ҳақида кетмоқда.
Журналист Фабрицио Романонинг сўзларига кўра, иккала клуб ҳам Осимхен учун 130 миллион евролик товон пулини ошириб юборилган нарх деб ҳисобламоқда. Тонини трансфер бозорида камроқ пул эвазига сотиб олиш мумкин бўлади, аммо "Челси" ҳам, "Арсенал" ҳам қайси вариант устувор бўлишига ҳали қарор қилгани йўқ.
Осимхен жорий мавсум А Серияда 14 учрашувда 7 та гол урди ва 2 та голли узатмани амалга оширди. Тони яқинда узоқ муддатли дисквалификациядан сўнг сафга қайтди ва учта ўйинда иккита гол уришга муваффақ бўлди.