Og‘ir atletika bo‘yicha Toshkentda o‘tayotgan Osiyo chempionatining bugungi kuni O‘zbekiston terma jamoasi uchun sermahsul o‘tdi.

Biroz avval yakunlangan ayollar o‘rtasidagi -81 kg vazn toifasidagi bahslarda hamyurtimiz Rigina Adashboyeva 3 ta kumush medalni naqd qildi.

Atletimiz dast ko‘tarishda 107 kg, siltab ko‘tarishda 136 kg va ikki kurash natijasiga ko‘ra 243 kg toshni o‘ziga bo‘ysundirishga muvaffaq bo‘ldi. Shu tariqa, bugungi bahslardan so‘ng jamoamiz hisobidagi medallar hozircha 1 ta oltin, 7 ta kumush va 3 ta bronzaga yetdi.

Dast ko‘tarish:
1. Kim Su Xeon (Janubiy Koreya) -  110 kg
2. Rigina Adashboyeva (O‘zbekiston)- 107 kg
3. Anamjan Rustamova - 105 kg

Siltab ko‘tarish:
1. Kim Su Xeon (Janubiy Koreya) -  144 kg
2. Rigina Adashboyeva (O‘zbekiston)- 136 kg
3. Kim I Seul (Janubiy Koreya) - 133 kg  

Ikkikurash natijasi:
1. Kim Suheon (Janubiy Koreya) -  254 kg
2. Rigina Adashboyeva (O‘zbekiston)- 243 kg
3. Kim I Seul (Janubiy Koreya) - 238 kg