"Roma"da ijara asosida o‘ynayotgan "PSJ" yarim himoyachisi Renatu Sanshesh "Beshiktosh" bilan muzokaralar olib borayotganligi avvalroq xabar qilingandi.

Portugaliyalik rimliklarning asosiy tarkibiga kira olmadi, shuning uchun u mavsumning ikkinchi yarmini boshqa jamoada o‘tkazmoqchi. Bir necha kun oldin ma’lum bo‘lganidek, "Beshiktosh" yarim himoyachini o‘z safida ko‘rmoqchi, ammo jurnalist Eleonora Trottaning yozishicha, muzokaralar davom etmayapti. Muammolardan biri shundaki, turk klubida Sansheshning jismoniy tayyorgarligiga shubha bor. Futbolchining o‘zi ham transferning maqsadga muvofiqligiga ishonchi komil emas.

Renatu Sanshesh bu mavsumda "Roma"ning bor yo‘g‘i 9ta o‘yinda maydonga tushdi. Futbolchining "PSJ" bilan shartnomasi 2027 yilgacha mo‘ljallangan.