Ispaniya terma jamoasi bosh murabbiyi Luis de la Fuente UYEFA Millatlar ligasining 2024/2025 yilgi mavsumiga qur’a tashlash natijalari haqida gapirdi.
4-guruhda Ispaniya terma jamoasi Daniya, Shveysariya va Serbiyaga qarshi kuch sinashadi.
“Biz guruhdan chiqish uchun bor kuchimizni ko‘rsatishimiz kerak. Men ushbu tadbirda ishtirok etish uchun tanlangan 16 ta jamoa qatoriga kirganimdan xursandman. Bunday muhim turnirda Ispaniya terma jamoasini boshqarish men uchun katta sharaf.
Raqiblar juda kuchli, chunki bu yerda Yevropaning eng yaxshi 16 ta jamoasi bor. Biz bosqichma-bosqich, o‘yindan o‘yinga o‘sishimiz kerak, biroq juda qiyin uchrashuvlar bo‘ladi, har bir raqibning o‘ziga xos xususiyatlari bor", - deya de la Fuentening so‘zlarini keltiradi Sport.
