"Manchester Yunayted" bosh murabbiyi Erik Ten Xag jarohatlarning ko‘pligi jamoasi rivojlanishiga to‘sqinlik qilayotganidan nolidi.
Aynan shu haftada ma’lum bo‘ldiki, "Manchester Yunayted" himoyachisi Lisandro Martines tizzasidan olgan jarohati tufayli kamida ikki oy maydonga tusha olmaydi.
Bu Martinesning joriy mavsumdagi ikkinchi jiddiy jarohati, ammo boshqa ko‘plab o‘yinchilar ham "Manchester Yunayted" kasalxonasida bo‘lib, Ten Xagga eng kuchli asosiy tarkibni maydonga tushirishga to‘sqinlik qilishdi.
"Bu juda g‘azablantiradi, albatta. Bu taraqqiyotni to‘xtatadi. Har safar moslashishga to‘g‘ri kelganda, siz o‘rnatilgan taktiklarni, o‘rnatilgan aloqalarni yo‘qotasiz. Biz buni ko‘rib turibmiz.
Biz markaziy himoyada to‘qqiz xil kombinasiyadan foydalanganga o‘xshaymiz. Boshqa pozisiyalarda ham bizda ko‘plab o‘yinchilar bor va bu jarohatlar tufayli zaruriy chora. Umid qilamanki, tarkib borasida izchillik topa olamiz", - dedi Ten Xag.