"Manchester Siti" bosh murabbiyi Pep Gvardiola futbolga ko‘k kartochkalar kiritilishi mumkinligi haqida gapirdi.

"Bu haqda eshitdim, lekin bu hali rasmiy ma’lumot emas. Qachon FIFA yakuniy qarorni qabul qilib, butun dunyoga ko‘k kartochkaning barcha qoidalarini tushuntirsa, o‘shanda o‘z fikrimni bildiraman. Ammo hozir bu shunchaki g‘oya", - deya Gvardiolaning so‘zlarini keltiradi Sky Sports.

Eslatib o‘tamiz, FIFA qasddan qoidabuzarliklar uchun ko‘k kartochkalarni joriy etish variantini ko‘rib chiqmoqda. Ko‘k kartochka olgan taqdirda futbolchi 10 daqiqaga maydondan chetlatiladi.