"Манчестер Сити" бош мураббийи Пеп Гвардиола футболга кўк карточкалар киритилиши мумкинлиги ҳақида гапирди.
"Бу ҳақда эшитдим, лекин бу ҳали расмий маълумот эмас. Қачон ФИФА якуний қарорни қабул қилиб, бутун дунёга кўк карточканинг барча қоидаларини тушунтирса, ўшанда ўз фикримни билдираман. Аммо ҳозир бу шунчаки ғоя", - дея Гвардиоланинг сўзларини келтиради Sky Sports.
Эслатиб ўтамиз, ФИФА қасддан қоидабузарликлар учун кўк карточкаларни жорий этиш вариантини кўриб чиқмоқда. Кўк карточка олган тақдирда футболчи 10 дақиқага майдондан четлатилади.
