"Roma" bosh murabbiyi Daniele de Rossi Romelu Lukaku va "Inter"ning sobiq jamoadoshlari o‘rtasidagi qarama-qarshilik haqida gapirdi.

"Men hissiy jihatni sport jihatidan ajratishga harakat qilaman. Men uchun Lukaku "Kalyari"ga qarshi o‘yinda (4:0) o‘ynashi kifoya. Dushanba kuni menga juda yoqdi. U his-tuyg‘ularga dosh bera oladi, u endi 20 yoshda emas.

Bizda Manchesterda o‘ynagan, Yevropa chempionati, Amerika kubogini qo‘lga kiritgan futbolchilarimiz bor. Futbolchilarimizda katta jamoalarga qarshi ruhiy muammolar bor deyish noto‘g‘ri bo‘ladi”, - deydi de Rossi.

Eslatib o‘tamiz, Lukaku “Inter” safida uch mavsum o‘tkazgan. O‘tgan yozda belgiyalik futbolchi "Inter"ga to‘liq o‘tishga yaqin edi, biroq "neradzurilar"ning asosiy raqibi "Yuventus" bilan bir vaqtda muzokara olib borishga qaror qildi.

"Inter" va "Roma" o‘rtasidagi birinchi davradagi o‘yinida milanlik muxlislar Lukakuga bosim o‘tkazib, o‘ttiz mingta hushtak chalishdi.

Romeluning sobiq jamoasi bilan navbatdagi uchrashuvi ertaga bo‘lib o‘tadi - "Roma" A Seriyaning 24-turida "Inter"ni qabul qiladi. Uchrashuv soat 21.00da boshlanadi.