"PSJ" hujumchisi Randal Kolo-Muani o‘zini qanday his qilayotgani haqida fikr bildirdi.

"Germaniyada o‘zimni ishonchli his qildim, shuning uchun maydonda baxtli edim. Men faqat baxtli va ishonchli bo‘lishim kerak. Va hamma narsa soat kabi ishlaydi. Bugun men baxtliman, lekin Germaniyadagidek baxtli emasman. "PSJ" futbolchisi bo‘lganimdan xursandman. Lekin o‘zimni yanada yaxshi his qila olaman", - dedi Kolo-Muani L’Equipe bilan suhbatda.

Eslatib o‘tamiz, Randal Kolo-Muani sentyabr oyi boshida Frankfurtning “Ayntraxt” klubini “PSJ”ga almashtirgan edi. O‘shandan beri hujumchi 23 ta o‘yinda maydonga tushib, 8 ta gol urdi va sheriklari uchun 3 ta golli uzatmani amalga oshirdi.