"Lill" bosh murabbiyi Paulu Fonseka Fransiya chempionatining 21-turi doirasida "PSJ"ga qarshi safar uchrashuvi oldidan jurnalistlar bilan suhbatlashdi. Xususan, portugaliyalikdan parijliklar yulduzi Kilian Mbappening jarohati haqida so‘ralgan.
"Mbappe o‘ynaydimi yoki yo‘qmi, bu biz uchun hech narsani o‘zgartirmaydi. "PSJ" uning o‘rnini kuchli futbolchi bilan to‘ldirishga qodir. "Brest" futbolchisi Kilianga ataylab zarar yetkazmoqchi bo‘lganiga ishonmayman. Bu o‘yin lahzasi edi”, - dedi mutaxassis.
Bugun, 10 fevral kuni tunda Fransiya chempionati doirasidagi “PSJ” – “Lill” uchrashuvi bo‘lib o‘tadi. Start hushtagi Toshkent vaqti bilan 01:00 da yangraydi.