"Лилль" бош мураббийи Паулу Фонсека Франция чемпионатининг 21-тури доирасида "ПСЖ"га қарши сафар учрашуви олдидан журналистлар билан суҳбатлашди. Хусусан, португалияликдан парижликлар юлдузи Килиан Мбаппенинг жароҳати ҳақида сўралган.
"Мбаппе ўйнайдими ёки йўқми, бу биз учун ҳеч нарсани ўзгартирмайди. "ПСЖ" унинг ўрнини кучли футболчи билан тўлдиришга қодир. "Брест" футболчиси Килианга атайлаб зарар етказмоқчи бўлганига ишонмайман. Бу ўйин лаҳзаси эди”, - деди мутахассис.
Бугун, 10 февраль куни тунда Франция чемпионати доирасидаги “ПСЖ” – “Лилль” учрашуви бўлиб ўтади. Старт ҳуштаги Тошкент вақти билан 01:00 да янграйди.
