Angliya chempionatining yigirma to‘rtinchi turida "Everton" qo‘shni Manchesterga safar qildi va "Manchester Siti" bilan o‘yinning ikkinchi bo‘limida ikkita gol o‘tkazib yubordi.
"Shaharliklar" himoyachisi Jon Stouns o‘yindan juda xursand, chunki u "Everton"ni jamoasi uchun qiyin raqib deb biladi:
"Biz "Everton"ga qarshi o‘tmishda qiyin o‘yinlarni o‘tkazganmiz, hozir esa bunday g‘alaba qozonish juda yoqimli.
Ayniqsa, qiyin birinchi bo‘limdan so‘ng, bo‘sh joy topa olmaganimizda. Sabr-toqat jamoamiz uchun muhim me’zondir, chunki bizni tez-tez mustahkam himoya bilan kutib olishadi", - deya Stounsning so‘zlarini keltiradi BBC Sport.
