"Napoli" rahbariyati Neapol jamoasida ijara asosida to‘p tepayotgan darvozabon Perluiji Gollinining to‘liq transferini ko‘rib chiqmoqda.

Bitim qiymati yetti million yevroga baholanmoqda. Futbolchining shartnomasi "Atalanta"ga tegishli.

Joriy mavsumda Perluiji barcha turnirlarda to‘qqizta o‘yinda qatnashib, o‘z darvozasidan 12 ta gol o‘tkazib yubordi.

Ikki uchrashuvda u o‘z darvozasi daxlsizligini saqlab qoldi. Italiya chempionatining 22-turidan so‘ng “Napoli” 35 ochko jamg‘arib, turnir jadvalida bor-yo‘g‘i sakkizinchi o‘rinda bormoqda.

Neapolliklar jamoasi va peshqadam “Inter” o‘rtasidagi farq 25 ochkoni tashkil etadi.