"Real Sosyedad" yarim himoyachisi Takefusa Kubo klub bilan shartnomasini uzaytirdi.

22 yoshli yaponiyalikning yangi shartnomasi 2029 yilgacha mo‘ljallangan, deb xabar beradi "Real Sosyedad" matbuot xizmati.

Avvalroq futbolchining xizmatlariga “Manchester Yunayted” va “Manchester Siti” klublari qiziqish bildirayotgani haqida xabar berilgandi.

Kuboning avvalgi shartnomasidagi tovon puli 60 million yevro edi.

Joriy mavsumda futbolchi 25 ta o‘yin o‘tkazib, 6 ta gol urdi va 3 ta golli uzatmani amalga oshirdi.

"Real Sosyedad" Ispaniya chempionati turnir jadvalida 37 ochko bilan 7-o‘rinda bormoqda.